神燈燒 (已結業)

本來book咗星期五晚八點六位，咁我哋成班就早到咗啦，七點搭九到。咁個reception 話要等十五分鐘，咁冇所謂啦係我嘅哋早到。等到八點翻去，reception 又話要等多十五分鐘。咁梗係燥啦，book咗位都仲要等，追問下佢就話咁啱有人埋單，執埋枱就入得。我哋企喺度等多咗十分鐘，完全冇人理過我哋，問另一個呀姐又話入得入得，入去一望原來係分開兩張枱坐，我哋即刻當堂走人唔食。首先book咗位都仲要等十五分鐘已經有啲過分，入面仲要烏煙瘴氣，完全冇燒肉店會有嘅抽油煙機。跟住去到仲諗住hea多我哋十五分鐘，一味話就得有位，一味要人喺入邊罰企。今時今日咁嘅服務態度真係非常欠佳，黃店都咁話。