夏茶 (葵涌廣場)

營業中

休息中

睇完網上嘅食評慕名而來，但實際飲落冇想像中咁好。味道整體而言差強人意，試過一次就夠。《$48一杯開心果鮮奶》奶蓋得少少咸味同微弱芝士味。面頭係開心果殼mix開心果碎，啲碎碎係好食的，但我隻牙好痛。杯身有勁多開心果醬掛杯，唔攪勻飲就冇味，攪勻咗就得開心果醬味嘅死甜。好嘅地方係佢平日冇咩客，飲品即叫即有，等5分鐘已經有得攞。呢間嘅店員對比起其他分店嚟講都算有禮貌，同埋有耐心。門口嘅menu十分清晰，落單過程順暢。