素味謀麵 (已搬遷) 新店位置

同朋友路過中環區，咁啱佢係食素嘅，就揀左呢間 《素味謀麵》食我地叫左個 黃椒南瓜湯 同 雜菇湯底拉麵。職員態度好，而且落單採用自助系統，所以係非常方便。但係啲嘢食真係麻麻地。個湯雖然係明顯無味精自己熬，但係味道唔係特別出眾，單純好似 blender 打嘅果汁咁。一個大概 $90 嘅拉麵配料唔算特別多，而且啲麵好淋，感覺就好似壽桃牌啲陽春麵咁好多配料都好 plain，唔係特別有用啲咩調味，感覺似白烚咁，而且有個豆卜臭臭地最出事係個綠茶軟凍，食到極明顯嘅橡膠味，texture 都怪怪地香港要營運素食店的確好難，但我覺得我地應該支持用心煮食嘅素食店，同樣價錢我相信會有更好嘅選擇。