影片
更多
2023-01-18
96 瀏覽
近年香港開得最多的餐廳，我估日本菜無第一都第二，早兩日就同太太到訪了灣仔的 Ozakaya。餐廳位於同集團的段純貞牛肉麵樓上，而且行過兩步就係和昌大押，地點超就腳方便。望著窗外雨景，電車在路上徐徐走過，彷彿是城市的脈搏在跳動，跟太太各自點了一杯Cocktail，聊聊天，享受寧靜的一刻。太太些少酒都會醉，無酒精的 Yuzu Matcha 就最啱佢，內裡更有 Yuzu Sorbet，甜度啱啱好。至於自己的 Yukaya 就以清酒加入柚子汁，好易入口，但畢竟太耐無飲酒，氣氛又好，竟然有些少酒意。餐廳本身有［Ozakaya 嚐鮮套餐］，已經包含前菜、刺身、壽司、主菜、主食及甜品，實在相當豐富，而只不$980，就算連加10%服務費，都不過$1100左右，而且每隔一小時，服務員會送上一杯免費的清酒，又幾窩心。至於太太比較挑食，反而在menu中自己挑選。先講返套餐。枝豆開胃小食是以紅紫蘇鹽煮過的枝豆，呷著cocktail，慢慢品嚐略帶鹹味的枝豆，望著雨天下的窗外，是另有一番景致。埼玉縣果糖番茄又是一道清新的開胃菜，冰鎮了的埼玉縣果糖番茄，澆上柚子軟凍及爆米粒，食之前又可以紫蘇季節時令刺身 (4) 壽
餐廳位於同集團的段純貞牛肉麵樓上，而且行過兩步就係和昌大押，地點超就腳方便。
望著窗外雨景，電車在路上徐徐走過，彷彿是城市的脈搏在跳動，跟太太各自點了一杯Cocktail，聊聊天，享受寧靜的一刻。
太太些少酒都會醉，無酒精的 Yuzu Matcha 就最啱佢，內裡更有 Yuzu Sorbet，甜度啱啱好。
至於自己的 Yukaya 就以清酒加入柚子汁，好易入口，但畢竟太耐無飲酒，氣氛又好，竟然有些少酒意。餐廳本身有［Ozakaya 嚐鮮套餐］，已經包含前菜、刺身、壽司、主菜、主食及甜品，實在相當豐富，而只不$980，就算連加10%服務費，都不過$1100左右，而且每隔一小時，服務員會送上一杯免費的清酒，又幾窩心。
至於太太比較挑食，反而在menu中自己挑選。
先講返套餐。
枝豆開胃小食是以紅紫蘇鹽煮過的枝豆，呷著cocktail，慢慢品嚐略帶鹹味的枝豆，望著雨天下的窗外，是另有一番景致。
埼玉縣果糖番茄又是一道清新的開胃菜，冰鎮了的埼玉縣果糖番茄，澆上柚子軟凍及爆米粒，食之前又可以紫蘇
季節時令
刺身 (4) 壽司 (4)
四款刺身是大拖羅、油甘魚、鱲魚及兵庫縣生蠔，第一時間要消滅的，當然係肥美可口既生蠔，非常juicy，滿意。
而四款壽司則是赤身、深海池魚、帆立貝及鮫鰈，四款各有千秋，誰也搶不了風頭。
煙燻牡丹海老即場用火槍燒蘋果木，將煙燻逼入玻璃容器內，內裡是北海道帶子慕絲及甜美的牡丹蝦，慕絲加入了奶，而且質地比較濃稠，感覺上似在吃著芝士，但又有青蘋果片帶來清新的味道，不錯。
海膽多士北海道海膽份量十足，多士與海膽之間是幽香的松露醬，入口即化的海膽與香脆的多士，帶來截然不同的口感，美妙，可惜只得一件。
和牛他他牛肉片捲起蘿蔔絲，再蘸點阿根廷青醬，在濃郁的肉香中，夾雜了清爽的嚼口。
車海老 · 日本野菜天婦羅除了海蝦及紅椒外，最正係紫蘇葉包裹了海膽的天婦羅，甜美的味道完全俘虜了我的味蕾，尤其是炸漿夠薄，而且油份瀝得清，蘸點綠茶鹽一齊食，味道更佳。
主菜
主菜有
甘鯛立鱗燒（番茄味噌醬）、M6和牛後腰肉或
A5 和牛西冷(+188)，自己選擇了和牛西冷，medium rare 處理得恰好，中間位呈嫣紅色，相當對辦，肉質是嫩滑中有嚼勁，而且有牛肉汁、黑蒜泥、海鹽及芥末蘸點，帶來不同的風味。
和牛高菜御飯主食是御飯，配搭豐富，因為有三文魚籽及舞茸菇，飯粒加入高菜，有點微酸，正好平衡了和牛粒的油膩感，混和了鮭魚籽令口感更佳，再大碗都食得落。
北海道奶脆正好同太太sharr的甜品，置底是煮得軟稔的十勝紅豆，中間係牛奶雪糕，而放上幾片輕巧的奶脆，甜度啱啱好。
極上特選握壽司7件（$350）
每天視乎供應作出調整，今天是大拖羅、赤身、油甘魚、深海池魚、金目鯛、右口魚及赤貝，而右口魚、金目鯛及赤貝是太太最愛吃的幾款，當然全數由佢享用。
西京銀鱈魚（$248）其實太太好鍾意食西京燒銀雪魚，滿是油香的感覺，再蘸點一下蜂蜜芥末，平衡了油膩的口感，如果可以，最好就係加多碗白飯。
烤牛骨髓▪︎海膽麵（$288）超級邪惡，原條半開燒牛筒骨，麵條加入海膽口感豐腴滑溜，湯汁更是龍蝦湯，享用時舀起牛骨髓拌和麵條，每口都是油香，滋味無窮，雖然看似細細一碗，但建議同人分享會更好。
地址 : 灣仔莊士敦道78號The Johnston1樓
電話 : 3702 5245
味道 : 4 環境 : 4 服務 : 5 衛生 : 5 抵食 : 4 位置 : 5
張貼
