影片
更多
2012-11-27
101 瀏覽
當知道Pacific Coffee係今年７月中於銅鑼灣名店坊開咗間有成４千幾呎旗艦店Pacific Coffee Emporium，雖然我唔係Pacific Fans，我已經好想去喇，因為呢間充滿特色主題項目及裝潢，真係好靚喎。除咗普通有啡飲有野食外，仲有一站式的咖啡服務，店裡又設置咖啡豆烘焙機、搜羅多款專業咖啡用品、咖啡機或膠囊機和咖啡沖調用品，更不定期舉辦咖啡品味課程，我就覺得為咖啡迷加添好多咖啡知識同選擇喇，呀....更有紅酒與酒賣添喎。這天我地中午１點正便到了，客人唔多，幾靜，不過之後人多都唔會覺得嘈，真係比Starbucks靜好多，舒服多了.....。雖然裡頭好多靚位揀，不過我就揀咗近馬路的位，用天然光睇報紙歎啡最好喇，揀好位後就去揀野食啦~~~都話我係有選擇困難症，我係廚窗駐足睇咗好耐最後先決定點選以下食物：- Mochaccino (T: $33) + $3 Crema Scura- Americano (T: $26)- Bread and Butter Pudding ($22)- Pumpkin and Ham Quiche 南瓜火腿蛋批 ($24)- Bundt
除咗普通有啡飲有野食外，仲有一站式的咖啡服務，店裡又設置咖啡豆烘焙機、搜羅多款專業咖啡用品、咖啡機或膠囊機和咖啡沖調用品，更不定期舉辦咖啡品味課程，我就覺得為咖啡迷加添好多咖啡知識同選擇喇，呀....更有紅酒與酒賣添喎。
這天我地中午１點正便到了，客人唔多，幾靜，不過之後人多都唔會覺得嘈，真係比Starbucks靜好多，舒服多了.....。
雖然裡頭好多靚位揀，不過我就揀咗近馬路的位，用天然光睇報紙歎啡最好喇，揀好位後就去揀野食啦~~~
都話我係有選擇困難症，我係廚窗駐足睇咗好耐最後先決定點選以下食物：
- Mochaccino (T: $33) + $3 Crema Scura
- Americano (T: $26)
- Bread and Butter Pudding ($22)
- Pumpkin and Ham Quiche 南瓜火腿蛋批 ($24)
- Bundt Cake Green Tea ($10)
- Bundt Cake Coconut ($10)
Subtotal: $128 — 2隻杯$6，Total：$122
今次再嗌＜Bread and Butter Pudding＞其實係因為有Ｄ掛住Starbucks的Baked Bread Pudding，兩者之間不同嘅只係法式同英式的分別。其實我係鍾意英式Bread Pudding多Ｄ，因為冇咁膩同乾身，烤好後淋上甜醬，但因牛油量重Ｄ就覺得比法式肥好多囉...；法式的bread & butter pudding烤出來底下嘅蛋軟軟的似焦糖布丁質感，所以唔會淋醬。
呢次再食呢個＜Bread and Butter Pudding＞同上次一樣烤得熱辣辣，好食，對怕甜食嘅得都覺呢知蛋汁唔會過甜，啱啱好。
第一次試呢個＜Pumpkin and Ham Quiche＞係因為比佢個款同餡吸引，見到係南瓜就想試吓喇。將佢當蛋糕切開一邊，足見到有幾層由南瓜，火腿薄片和忌廉而成，派皮有一點點實唔夠鬆脆，不過都唔覺油膩，餡料好食，南瓜同火腿好夾呀。
開頭只買了綠茶紅豆味Bundt Cake，之後返埋位又覺得可以食多粒喎，所以就叫多款椰子芒果味，另有款朱古力味就唔想試喇。上次食的Bundt Cake鬆化，今次２款質地都係實的的嘅，綠茶味啖，紅豆大粒且甜；而椰子芒果的中間的椰子醬同芒果底味道濃郁，都係甜咗Ｄ，今次係比較失望嘅...。
Anyway, 雖然我貴為Starbucks Fans，但同時都係貪靚貪食嘅，呢間Pacific Coffee Emporium又靚又大又靜，仲有咁多款野食選擇，有機會都要多來幾次啦。最後，呢日我飲嘅係American coffee，始終飲咖啡味道來講都係鍾意飲Starbucks多Ｄ。
張貼
