影片
更多
2024-11-04
551 瀏覽
餐廳嘅薯條、pancake多款式，幾出名，今次主菜試牛扒，味道都有驚喜！餐廳開喺熱鬧嘅新城市廣場，好彩自己有早食晚餐嘅習慣，食完出嚟已經有幾組人等緊位，想幫襯最好提早訂位！歐陸式裝修風格體現喺橙綠色強烈用色對比，半開放式廚房、柔和燈光、皮革元素，令人感覺身置異國優雅環境。✔️Sour Cream Works Chips $55酸忌廉牛油果醬薯條薯條炸至外皮金黃香脆，亦食到薯仔味。微酸嘅酸忌廉、奶油味好重嘅牛油果醬，絕對令薯條畫龍點睛。作為餐前小食，香口又開胃。✔️Pulled Pork LasagnaRoll $142手撕豬肉酸椰菜香草蕃茄汁芝士闊條麵呢個闊條麵最令人難忘嘅係加入咗大量焗至半溶嘅芝士，味道好香濃，作為芝士烘嘅我表示十分滿意。另外蕃茄汁味道突出，令人胃口大增。慢煮手撕豬肉份量不少，紋理分明，仲保留到肉汁。✔️Iron Grilled Flank Steak $192煎牛扒配焗蔬菜牛扒五成熟、切好送上，望落去感覺Juicy，食落感覺同樣鮮嫩，充滿肉汁，最驚喜係牛扒上面嘅香蒜青醬，將牛扒嘅味道提升，加埋另附上特製濃郁嘅肉汁，令人愛不釋手！已經諗緊下次要再食！✔️Baileys & C
✔️Sour Cream Works Chips $55酸忌廉牛油果醬薯條
薯條炸至外皮金黃香脆，亦食到薯仔味。微酸嘅酸忌廉、奶油味好重嘅牛油果醬，絕對令薯條畫龍點睛。作為餐前小食，香口又開胃。
✔️Pulled Pork LasagnaRoll $142
手撕豬肉酸椰菜香草蕃茄汁芝士闊條麵
呢個闊條麵最令人難忘嘅係加入咗大量焗至半溶嘅芝士，味道好香濃，作為芝士烘嘅我表示十分滿意。另外蕃茄汁味道突出，令人胃口大增。慢煮手撕豬肉份量不少，紋理分明，仲保留到肉汁。
✔️Iron Grilled Flank Steak $192
煎牛扒配焗蔬菜
牛扒五成熟、切好送上，望落去感覺Juicy，食落感覺同樣鮮嫩，充滿肉汁，最驚喜係牛扒上面嘅香蒜青醬，將牛扒嘅味道提升，加埋另附上特製濃郁嘅肉汁，令人愛不釋手！已經諗緊下次要再食！
✔️Baileys & Cream MS $70
白利咖啡忌廉甜酒奶昔
本身自己好鍾意Baileys甜酒味道，感覺似朱古力味，但奶味重啲，唔算太甜太重酒味。而家化身為奶昔，質感黏稠一點，好似甜品一樣，女孩子會鍾意。
✔️Pomegranate Lime Soda $48
石榴青檸梳打
石榴籽、青檸汁、梳打水，加起來唔止賣相清新，連味道都好清新，朋友話喺解膩之選！
張貼
