雪ノ下 (已結業)

一早見過有介紹呢間位於希雲街既pancake餐廳，今日終於經過，下午5時，又有位就入去試下！餐廳只有十多個坐位，地方係有啲細既。先點餐付款，方可選擇坐位。有啲肚餓，2個人叫左份原味pancake同埋雞肉三明治。一塊68蚊既pancake，等左15分鐘就黎喇！切開個樣成塊蛋糕咁，食落口感都係蛋糕😂，蛋味都香濃既，牛油搽匀左係食唔出佢係咩宮崎縣高千穗發酵牛油😂佢話跟pancake既蜜糖係愛媛縣小池養蜂園蜜柑蜂蜜，其實我只係食到普通蜜糖味...唔差既。呢份三文治等左差唔多半個鐘，黎到個樣咁係有啲失望既。食落係....普通既，只係將芥末薯仔沙律，雞肉，煎雞蛋放埋一齊。味道普通，成件事都有啲普通，勁飽，後悔冇揀厚雞蛋三文治。試過咪好囉，唔會再掛住佢。