Green Waffle Diner (嘉咸街) (已搬遷) 新店位置

工作上有d阻滯，夜晚又要返學，所以返學前要食個靚晚餐減下壓。餐廳有一排綠色植物，睇落好舒服。點咗早晨全餐（＄96）同新鮮水果班㦸（＄95）。早晨全餐（＄96）好豐富，由於係即叫即整，所以一上碟d炸薯粒熱辣辣香噴噴。除咗炸薯粒，仲有炒蛋、煙三文魚、多士同埋半份窩夫。d蛋炒得好滑，而煙三文魚就好香，滿意~新鮮水果班㦸（＄95）賣相好靚😍Pancake 一共有3塊，配以新鮮藍莓、青蘋果、士多啤梨及哈蜜瓜配朱古力醬同埋鮮忌廉。Pancake上面淋咗朱古力醬，香甜好味，而咁多種水果最鍾意係士多啤梨，又甜又新鮮~