Pancake Colours Cafe & Bar (已結業)

父親節個日，同屋企人睇完場戲有啲肚餓就去左pancake colours食個tea, 上次黎已經係好耐之前既事，但印象中水準不俗，所以就揀左呢間歇一歇腳。店鋪裝修得幾有氣氛，不過假日人多所以有啲嘈，menu下午茶既選擇都幾多，我地三人點左兩個甜品，分別係草莓法式班戟及拿破崙千層。 等左一陣，食物好快就送到黎。首先個草莓法式班戟既草莓醬同個班戟既味道都幾夾，之前都係食芒果班戟多，估唔到草莓同班戟都係一個唔錯既配搭，加埋個透心涼既雪糕令到甜品更有層次和質感，唯一美中不足既係個班戟皮偏厚。另一個甜品係拿破崙千層。 就咁望落好似同普通餅店買到既西餅冇乜分別，但食落就會發覺佢個層次比較豐富同有口感，甜度亦適中，乃不錯既選擇。價錢合理，服務態度可接受，環境及食物質素中上，整體而言係喺鬧市中悠閒地食個tea既不俗之選。