影片
更多
2011-01-28
20 瀏覽
27-1-2011晚飯 (http://www.openrice.com/restaurant/commentdetail.htm?commentid=2146138) 後時間尚中, 想去加路連山道的新店飲咖啡卻無位, 諗起老師屋企樓下開了間新蛋糕 / 麵包店, 亦好似有咖啡供應, 2 人又嚟坐吓.叫了店員姐姐推介的 "apple strudel" share 食... 明明係 mille-feuilles aux pommes, 或 "Apple Napoleon", 點解會叫 "apple strudel"? @_@ 面層, 中層及底層酥皮全都十分鬆脆, 一咬即「剝落」, 3 層就以 glaze 過的頂層最香甜; 蘋果味道天然又清甜, 味道似足之前喺「沢屋ジャム」新軽井沢店買的蘋果 jam, 正 Cream 質地算輕柔, 食落奶味較預期淡, 不過唔太甜, 都幾討好.另一人一杯caffe latte, 面頭奶泡薄而散收收, 聞落唔覺香, 齋飲咖啡味近乎零, 奶味亦淡, 基本上飲水一樣, 認真大煞風景. 店內只有兩個「高櫈」位, 室外就超多位, 雖然食正對面唔知 El Cid
27-1-2011晚飯 (http://www.openrice.com/restaurant/commentdetail.htm?commentid=2146138) 後時間尚中, 想去加路連山道的新店飲咖啡卻無位, 諗起老師屋企樓下開了間新蛋糕 / 麵包店, 亦好似有咖啡供應, 2 人又嚟坐吓.
叫了店員姐姐推介的 "apple strudel" share 食... 明明係 mille-feuilles aux pommes, 或 "Apple Napoleon", 點解會叫 "apple strudel"? @_@ 面層, 中層及底層酥皮全都十分鬆脆, 一咬即「剝落」, 3 層就以 glaze 過的頂層最香甜; 蘋果味道天然又清甜, 味道似足之前喺「沢屋ジャム」新軽井沢店買的蘋果 jam, 正 Cream 質地算輕柔, 食落奶味較預期淡, 不過唔太甜, 都幾討好.
另一人一杯caffe latte, 面頭奶泡薄而散收收, 聞落唔覺香, 齋飲咖啡味近乎零, 奶味亦淡, 基本上飲水一樣, 認真大煞風景.
店內只有兩個「高櫈」位, 室外就超多位, 雖然食正對面唔知 El Cid 定 Bordeaux 的二手煙, 不過風涼水冷的其實都幾舒服.
每人放低約 $50, 其實幾貴, 不過應該會再來食餅的.
P.S. 味道 3 分, 因為 "apple strudel" 4.5 分, 咖啡 1.5 分...
張貼
