甘味讚岐手打烏冬 (已結業)

最鍾意嚟甘味食日本嘢，因為泊完車，行幾級樓梯就到！而且平日如果午飯時間，大約一點半之後都唔係幾洗等位！今日lunch set叫咗壽司拼盤拼讚岐手打烏冬，每次兩個小朋友都要食呢一個餐，有八件唔同種類嘅壽司，同埋一大碗烏冬...啱晒細食嘅小朋友share！而我同姐姐就分別嗌左麻辣雞手打烏冬同埋豚肉飯，個麻辣湯對姐姐來講辣咗啲，啲雞比較普通，有少少雪味。而個豚肉飯就不過不失，可能因為啲豚肉厚咗啲，所以有啲韌！不過總體來講，食物質素對得起呢個價錢！