影片
更多
2018-10-08
769 瀏覽
夜晚9點幾，一班人想揾地方吹下水，除左落pub, 旺角樓上cafe其實都唔錯。事關人又少，靜靜地，講乜都得；地方又大又有梳化坐，光線又足夠，感覺好舒服。今次一行5人，揀左金雞19樓既To-Gather Cafe。貪佢有晒 Party set，唔使諗。一到晚上，個腦真係唔係好想郁😂😂😂有A, B set, 我地揀左B。因為多選擇啲，價錢都係差幾十蚊。等食物其間，玩boardgame又得，睇日本雜誌又等，又或者欣賞架上figure公仔都得，包你目不暇給。有機水耕沙律菜，大大盆，分5份剛剛好每人一碟。沙律菜新鮮爽脆，混有日式麻醬，清新又健康。小食有8款咁多，其中炸物一大盆上，睇見口水流🤤🤤😂😂吉烈珍寶蝦，大大隻，有食指咁長，但炸粉一啲都唔厚而且隻蝦肉質都很彈牙，可惜每人得一隻😣有啲唔夠喉。粟米墨魚餅，加左粟米既墨魚餅，口感層次增加左，香甜又爽口。蜜糖雞翼，好重蜜糖味，食左甜蜜蜜。惹味咖喱角，呢件失色左啲，咖喱味唔多覺，但勝在個皮夠脆。小食：蜜汁雞肉串及泰式燒豬頸肉泰式燒豬頸肉好吃，火喉控制剛剛好，肉質唔乾身唔鞋口，醮左佢地秘製既泰式醬，酸辣得黎仲有重重的青檸味，好吸引蜜汁雞肉串，醬汁多，甜甜
今次一行5人，揀左金雞19樓既To-Gather Cafe。貪佢有晒 Party set，唔使諗。一到晚上，個腦真係唔係好想郁😂😂😂
有A, B set, 我地揀左B。因為多選擇啲，價錢都係差幾十蚊。
等食物其間，玩boardgame又得，睇日本雜誌又等，又或者欣賞架上figure公仔都得，包你目不暇給。
有機水耕沙律菜，大大盆，分5份剛剛好每人一碟。沙律菜新鮮爽脆，混有日式麻醬，清新又健康。
小食有8款咁多，其中炸物一大盆上，睇見口水流🤤🤤😂😂
吉烈珍寶蝦，大大隻，有食指咁長，但炸粉一啲都唔厚而且隻蝦肉質都很彈牙，可惜每人得一隻😣有啲唔夠喉。
粟米墨魚餅，加左粟米既墨魚餅，口感層次增加左，香甜又爽口。
蜜糖雞翼，好重蜜糖味，食左甜蜜蜜。
惹味咖喱角，呢件失色左啲，咖喱味唔多覺，但勝在個皮夠脆。
小食：蜜汁雞肉串及泰式燒豬頸肉
泰式燒豬頸肉好吃，火喉控制剛剛好，肉質唔乾身唔鞋口，醮左佢地秘製既泰式醬，酸辣得黎仲有重重的青檸味，好吸引
蜜汁雞肉串，醬汁多，甜甜的，雞肉腍身，不錯。
飲品很多選擇，而且仲要係任飲最岩大班人吹水gathering，吹幾耐都唔驚缺水😂😂😂
無得輸薯條
職員好貼心，叫我地唔好掛住玩，要盡快享用，否則就唔品嘗唔到無得輸薯條既精髓喎。
睇到炸至金黃色既粗身薯條，鋪滿滿滿的白汁芝士醬。入口醬汁質感較稀，未能成功拉絲，但芝士味很香濃。其中一個朋友邊食邊讚：真係贏晒😂😂
芝士汁焗蔬菜，熱辣辣芝士溶晒，啲蔬菜吸滿啲芝士汁，超正
主菜：抗氧黑蒜忌廉什菌意粉
食黑蒜健康又抗氧化大部份人都知，但就唔係個個人都接受到。不過，個人覺得黑蒜味道比蒜頭無咁刺激，偏甜酸味，口感又柔軟，其實好易入口。而呢個黑蒜忌廉什菌意粉，食到最尾朋友問點解食完都唔覺有黑蒜味，但就真係揾到啲黑蒜頭。可能忌廉汁味重，完全蓋過左黑蒜味。食唔到黑蒜味又有乜緊要，吸收左佢既精華就得啦
主菜：黑松露海鮮意大利飯
用左大量海鮮，有藍青口、鮮蝦、蜆肉和魷魚，以黑松露焗製而成的意大利飯。意大利飯粒粒分明，有嚼勁得黎又不會硬，口感剛好。不用5分鐘，又被我們KO了
l最後每人一粒雪米糍，滿足。
大尸口 
張貼
