嘉樂冰廳 (新村街)

營業中

休息中

呢間冰室位於荃灣citywalk附近，同普遍既冰室一樣，7點鐘就會閂門。今次趕到係閂門前黎食，味黎之前已經聽過最出名既火腿奄列。一場黎到又點可以唔試下呢？一行4條友，當然冇可能淨食奄列就飽啦，仲叫左豬扒包，炸雲吞等等既小食。我覺得個豬扒包都唔差既，豬扒既味道幾香，幾大件下，分4份黎食，每人都可以分到一部分已經好勁。唯一係個包硬身得滯，可能炸過既關係，一路食一路跌包碎。雲吞就炸得岩岩好，夠脆但又唔覺得熱氣，配埋酸辣醬仲好味。好喇，入正題，火腿奄列由於大份既關係，所以製作需時，食哂所有野先黎，不過唔緊要，有得食就得。一望到舊奄列真係O哂咀，平時食開係平既，今次呢個係凸起，有厚度既，用叉吉開，發現入面係實心，有蛋既，唔係空心得個樣。雖然食落同普通蛋或奄列冇分別，但志在食個size haha，一份奄列出個人分都仲得，所以唔好貪心叫一人一份，會食死你。除左野食，仲叫左2杯野飲既，係菠蘿冰同朱古力兩杯都OK既，有冰室既感覺，可以再試，不過就建議4個人食就好，因為個到全部都係4人卡位同較窄，而且4個人已經夠share野食 haha。