J.Co Donuts & Coffee

營業中

休息中

之前屋企附近本來有，但係執咗之後，一直都冇食過。最近都係去到旺角，但次次經過都好多人。今次嚟到中環，啱啱路過見到，人又唔係太多，即刻入去試吓。其實最想食都係冬甩，眼見好多口味，都覺得好吸引。全部都係價錢一樣$16 ，好均真。最後千挑萬選揀咗兩款試下先。佢哋嘅冬甩比較有咬口，食完唔好滯，幾煙韌。食兩件，再杯咖啡就一流啦！見佢有時有啲期間限定口味，下次行過可以留意下。同埋佢買外賣嘅話，兩件先會有個盒，一件只係得張好細嘅紙包住，袋都無，呢樣希望可以改善下。