The Luxe Seafood Bar & Resto (已結業)

上FB看到自助餐coupon，得知9點半入座有折, 同場又有供應生蠔, 200幾蚊平價抵食。笑語和朋友今天就到此店一試, 質素預期中好得多。餐廳海鮮, 熟食, 甜品種類多, 笑語先吃沙律清清胃口先, 沙律新鮮, 配料亦多。一場來到當然要試海鮮, 任食的生蠔不能媲美法國貴蠔, 但質素絕不差, 新鮮唔腥, 海水味濃；螺大隻新鮮, 沒有沙；三文魚爽滑。 熟食大約有廿幾款選擇, 全晚吃得比較多的熟食是照燒排, 肉質嫩滑。另笑語特別推介的是龍蝦湯, 龍蝦味惹味非常且不鹹, 好好飲。餐廳亦有Carving station，有即場燒牛肉又點可以錯過呢, 牛肉鮮嫩, 旁邊伴濃郁醬汁, 同場加個奄列, 蛋好滑好香。甜品款式尚算多, 則推介芝士蛋糕及泡芙，好好味，另吃了幾片生果，哈密瓜，菠蘿也好甜。 讚賞的是侍應主動加水，當離開座位時，很快便收碟，效率高。而自助餐的空碟，每隻都微熱，感覺很衛生。