Sleepless (已結業)

知道呢間cafe喺銅鑼灣一直都好出名~ 上網都成日見到佢哋啲立體拉花心郁郁成日都想試，今日難得去港島終於可以試下！今次嗌左clam linguine同埋latte，其實佢個意粉好好味，賣相都幾好，蒜香同橄欖油嘅香味好出但係我竟然唔記得咗影低佢。。至於點解呢，就係因為杯咖啡！！！好可愛呀救命！！！令到我淨係係咁影低杯咖啡我同咖啡師講想要貓，佢竟然一次過整咗三隻俾我我好開心呀因為覺得佢哋好用心，每一隻貓仔都畫左唔同嘅表情重點係個咖啡一啲都冇華而不實，味道都係好好飲的～我下次一定會再返來㗎，試吓整其他公仔都好XDXD