PHO 會安 (已結業)

平時好少行Mikiki， 今日難得出到來都想食好D，見到PHO 會安門面都唔錯，就吸引左入來試啦。鳳尾蝦春卷 / 香煎魚餅 - 鳳尾蝦春卷太多油，味道一般，反而香煎魚餅味道唔錯。會安拼盆 (越式炸春卷，柚子沙律，鮮蝦豬肉米紙卷，扎肉) - 每款食物都唔錯，以一人餐來講分量都唔少。會安炒飯(海鮮炒飯) - 味道偏淡，海鮮都足料，唔會一兩啖就得返D飯，算係不過不失，但可以唔洗特別試D個。越式炒金邊粉 - 金邊粉炒得幾好，唔會太油，而且都係好足料，有唔少蝦同紮肉，味道唔錯。香芧豬扒湯粉 - 湯粉正常，香芧豬扒好香口但骨大肉少，但係係好食的。另外飲品叫左三杯檸檬水，質素都唔錯。整體而言，餐廳坐得舒服，食物味道同分量都可以，但價錢真係唔算平，仲要收加一，只可以話賣點都真係環境舒適為主。