影片
更多
2018-06-20
90 瀏覽
提起越南菜，第一時間大家都會係去九龍，有冇諗過其實係銅鑼灣都可以食到非常之好味越南野呢，朋友就介紹咗我一間係銅鑼灣叫做PHO Metro既越南餐廳，就同朋友去試吓。首先講吓餐廳嘅環境先最搶眼嘅莫過於係餐廳落地玻璃嗰兩個好大嘅魚缸，第一下望到已經俾人有一種充滿生氣嘅感覺，餐廳環境同埋燈光都係俾人非常之舒服嘅感覺，座位都非常之闊落！因為實在太肚餓嘅關係呢我哋就立即點左食物，我就叫咗一個蟹肉湯檬，朋友叫做一個順化牛肉粉，小食方面就叫咗芒果紙米卷同炸蝦餅，飲品方面就叫咗芒果沙冰。所有野都係即叫即整嘅關係呢都需要差唔多15分鐘嘅時間，食物大致上都會一次過到齊。首先講講嘅蟹肉湯檬，配料都有非常之大量嘅豆卜同埋越式嘅肉丸，我特別要講一講嘅就係佢嘅湯底飲落口嘅時間會有非常之重嘅蟹膏味係個口裏面徘徊，仲有一點就係豆卜會慢慢吸收晒湯嘅香味，湯檬每一啖都有蟹嘅味道可想而知個湯底真係非常之濃郁，越南肉丸本身就有自然嘅鮮甜味，呢一個蟹肉湯檬真係非常之高質。之後就要講講順化牛肉粉，一上到枱就散發出非常之濃郁嘅牛骨味道，湯底有少少辛辣嘅味道釣起左牛肉嘅香味，辣嘅味道反而令到越南扎肉嘅鮮甜美更加突出，牛肉雖然切得好薄
提起越南菜，第一時間大家都會係去九龍，有冇諗過其實係銅鑼灣都可以食到非常之好味越南野呢，朋友就介紹咗我一間係銅鑼灣叫做PHO Metro既越南餐廳，就同朋友去試吓。
首先講吓餐廳嘅環境先最搶眼嘅莫過於係餐廳落地玻璃嗰兩個好大嘅魚缸，第一下望到已經俾人有一種充滿生氣嘅感覺，餐廳環境同埋燈光都係俾人非常之舒服嘅感覺，座位都非常之闊落！
因為實在太肚餓嘅關係呢我哋就立即點左食物，我就叫咗一個蟹肉湯檬，朋友叫做一個順化牛肉粉，小食方面就叫咗芒果紙米卷同炸蝦餅，飲品方面就叫咗芒果沙冰。
所有野都係即叫即整嘅關係呢都需要差唔多15分鐘嘅時間，食物大致上都會一次過到齊。
首先講講嘅蟹肉湯檬，配料都有非常之大量嘅豆卜同埋越式嘅肉丸，我特別要講一講嘅就係佢嘅湯底飲落口嘅時間會有非常之重嘅蟹膏味係個口裏面徘徊，
仲有一點就係豆卜會慢慢吸收晒湯嘅香味，湯檬每一啖都有蟹嘅味道可想而知個湯底真係非常之濃郁，越南肉丸本身就有自然嘅鮮甜味，呢一個蟹肉湯檬真係非常之高質。
之後就要講講順化牛肉粉，一上到枱就散發出非常之濃郁嘅牛骨味道，湯底有少少辛辣嘅味道釣起左牛肉嘅香味，辣嘅味道反而令到越南扎肉嘅鮮甜美更加突出，牛肉雖然切得好薄但係都有咬口，成碗面嘅味道右面去到湯底都非常之夾。
小食方面芒果紙米卷感覺係偏向清新類型嘅食物，芒果有彈性仲非常之鮮甜配合下面乾爽嘅米粉，
食落口嘅時間會有好多層唔同感覺嘅口感，
炸蝦餅上碟時間香噴噴之餘食落口非常之彈牙不過呢就一啲都唔油膩，咁就證明蝦肉嘅比例多個肥豬肉啦。
芒果沙冰飲落口非常之冰凍同清新，基本上每啖都飲得出係充滿着果肉，成個沙冰都係用大量嘅芒果肉製造清新嘅芒果味道。
喺銅鑼灣食可以嘅朋友不妨試吓依一間越南餐廳，佢哋嘅面食非常之高水準！
張貼
