Pho Metro (已結業)

個日係銅鑼灣同朋友行街行到攰攰地，又想搵間餐廳靜靜地食下野吹下水，咁岩見到希慎附近有間越南野食，裝修又好有心思，好有放假優閒嘅感覺，就決定入去試下宜家天氣熱熱地, 見到個芒果紙米卷就覺得好吸引, 酸酸甜甜又唔heavy, 岩哂開胃, 特別係佢句sauce, 加埋入口岩岩好叫左個招牌菜係順化牛肉粉, 個個食完都讚, 平時啲牛肉河都偏向較清淡, 我自己通常會加辣椒油, 但依個個湯底本身已經有少少辣味, 辣得岩岩好又易入口, 另外碗牛肉粉有好多牛𦟌, 份量超級足, 非常滿意!我朋友就試左個推介 特級蟹膏湯檬配軟殼蟹，上嘅時候已經見到個湯底金黃色就覺得好足料，先試個湯頭，果然無令我地失望，鮮味十足，有濃濃嘅蟹膏味，碗粉仲有扎肉、肉丸、洋蔥同豆卜做配料。豆卜簡直係精髓，將個湯吸收曬。而個軟殼蟹剛剛炸好拎出黎，我地好怕啲炸物好乾，啲粉厚，但呢間嘅係薄薄嘅炸粉，十足外脆內軟。另外我地仲叫左兩杯沙冰，一杯芒果，一杯牛油果。芒果沙冰十分甜，唔係糖水嘅甜，而係來自本身芒果嘅鮮甜。而牛油果沙冰我地係出面都試過，但出面都無牛油果本身嘅味，然而係呢間餐廳真係估唔到有咁大驚喜，係勁重嘅牛油果味!!