T.Co (加拿分道)

營業中

休息中

呢間連鎖外賣專門店來自菲律賓，港島九龍都有分店，主打牛同雞嘅烤卷，另有飯類同飲品供應。全部食物即叫即整，新鮮熱辣辣，需要等候一段時間，份量適中，方便又快捷～烤卷要咗牛雞各一，牛肉採用上乘美國牛，配上鹹香芝士十分惹味、雞肉就選用雞腿肉，香噴噴，滑嫩多汁，完全唔嚡，兩款配上惹味醬汁同新鮮蔬菜，令到整體味道同口感豐富。飯類有分size，配料同烤卷大同小異，值得一讚反而係個飯，蛋黃飯做得有心機，相比起白飯肯定好味好多，淡淡香氣，而且唔油。飲品方面就要咗拿鐵咖啡，下面落埋糖漿，甜甜哋，滿足。