影片
更多
2021-10-14
447 瀏覽
我聽到有捷克餐廳，就不能抗拒，是因為奇斯洛夫斯基嘅關係嗎？可能係啦，細個到而家對於捷克有說不盡嘅情意結。 可能會令我諗起嘅係《兩生花》嘅女主角，還是因為幾年前去旅行喺布拉格老城廣場嘅美好回憶，我不知道，只知道朋友說有間捷克餐廳，呢度有個好出名嘅海鮮鍋好值得試，二話不說，來了，兩生花的她有吃海鮮嗎？我忘記了，只知道回憶中呢個地方很美。 六個人食飯最好，叫多點試多點。 先點了Pinot Rhapsody，Pinot noir的狂想曲，聽個名都知道靚，飲落去味道都不錯。 朋友早到，原來在下午3時至7時期間惠顧任何一款飲品即可以$188享用6隻生蠔，好彩佢哋早到，有幸食到。 鮮無花果羊奶芝士煙燻火腿多士，除了多士係太硬，其他都不錯，無花果的清爽和羊奶芝士原來咁得意咁夾，以後喺屋企招待人都可以買啲無花果。 今晚為左即煮海鮮鍋而來，海鮮鍋配上唔同嘅配料如粟米、薯仔及西班牙辣肉腸等等，可以揀嘅海鮮包括：翡翠螺、鮮鮑魚、北海道帶子、皇帝蟹腳、海蝦、青口、八爪魚仔、鑽石蜆等等。 可以搭配嘅醬汁都有好多種，檸檬牛油汁、白酒忌廉汁、龍蝦汁、青咖喱汁等等，員工會幫你搖
可能會令我諗起嘅係《兩生花》嘅女主角，還是因為幾年前去旅行喺布拉格老城廣場嘅美好回憶，我不知道，只知道朋友說有間捷克餐廳，呢度有個好出名嘅海鮮鍋好值得試，二話不說，來了，兩生花的她有吃海鮮嗎？我忘記了，只知道回憶中呢個地方很美。
六個人食飯最好，叫多點試多點。
先點了Pinot Rhapsody，Pinot noir的狂想曲，聽個名都知道靚，飲落去味道都不錯。
朋友早到，原來在下午3時至7時期間惠顧任何一款飲品即可以$188享用6隻生蠔，好彩佢哋早到，有幸食到。
鮮無花果羊奶芝士煙燻火腿多士，除了多士係太硬，其他都不錯，無花果的清爽和羊奶芝士原來咁得意咁夾，以後喺屋企招待人都可以買啲無花果。
今晚為左即煮海鮮鍋而來，海鮮鍋配上唔同嘅配料如粟米、薯仔及西班牙辣肉腸等等，可以揀嘅海鮮包括：翡翠螺、鮮鮑魚、北海道帶子、皇帝蟹腳、海蝦、青口、八爪魚仔、鑽石蜆等等。
可以搭配嘅醬汁都有好多種，檸檬牛油汁、白酒忌廉汁、龍蝦汁、青咖喱汁等等，員工會幫你搖晃，將海鮮汁均勻分佈在每一樣的海鮮及配料之間，務求成個袋入面嘅食物味道都均勻。
當然要選蟹腳，鮑魚和帶子，最出奇嘅係西班牙辣肉腸好好食。
北海道帶子雜錦燴飯都幾出色，加上了亞洲少見嘅調味粉，感覺更突出。
成日以為德國才有豬手食，捷克特色烤豬手都不錯，相對平時，呢度嘅豬手冇咁油膩，烤得溫柔一點。
美國肉眼牛扒，水準正常，如果同豬手對比，我覺得豬手味道吸引得多。
甜品相對來講最出色，Mascarpone 用上軟芝士、士多啤梨和蜂巢糖脆為主角，相對少見嘅組合，幾有驚喜。
豆腐清酒雪糕加上黑糖，係我當晚最喜歡嘅甜品。
椰子雪花加上白朱古力脆都幾特別，相對前面嘅主菜同前菜，甜品更加令我想起捷克嘅回憶，想起幾年前在捷克嘅老城廣場晚上，看着大笨鐘，沒有見到《兩生花》嘅Veronica，腦中卻懷念同嚮起十誡的配樂。
張貼
