薄餅博士

營業中

休息中

去個friend屋企打牌，唔想麻煩人地煮飯，我地揀左PhD外賣。首先等候時間係要1小時20分鐘，然後Pizza嚟到唔係熱辣辣。而本身已經預咗唔會有堂食Pizza水準，點知.....PhD珍寶手拉大批 - 賣相唔及PizzaHxx，但手拉薄餅嘅口感、Pizza嘅配料都比較偏向傳統Pizza，而且冇禁滯胃。芝士白汁雞皇焗飯 - 眼前只見一片白色嘅汁，幾粒雞肉，撩開下面係白飯，淨係買相見到都唔想食。朋友食左啖話味道其實唔太差，但唔似焗飯而係似頹飯。蜜糖BBQ雞翼 - 呢個雞翼就唔錯啦，醃得入味，雞皮口感唔肥膩。雖然BBQ汁唔夠惹味，但甜甜地都OK。脆香雞下脾 - 好食過KXX⋯⋯總括來講， Pizza出品好過對手dd，雞翼又好過部分快餐dd。不過我諗我唔會再叫PhD嘅飯食。