綠摩 (已結業)

呢排灣仔新開咗一間Pizza店，而且全單仲有八折添，真係超抵食。而且佢嘅Pizza仲係有好多選擇，啲名都幾得意，例如有火爆女友同埋夏威夷辣妹等等嘅名。而我今次就叫咗一個 出走德國，有德國雜腸、蜂蜜芥末醬、車打芝士。佢哋配料份量都多，批底都好厚實，好夠飽。我仲叫咗一份脆炸棒棒雞膇（配燒烤醬），雞鎚炸得都幾香脆，同個醬都幾夾。另外依間餐廳嘅飲品除咗一般嘅汽水之外，仲會有本地啤酒，如果鍾意支持本地同埋鍾意飲啤酒嘅話，不妨支持一下。