城大食坊

營業中

休息中

今日返去城大同朋友食飯，佢就帶咗我嚟Canteen食Pizza。咁去到落單就揀咗夏威夷同埋野菌雜菜pizza。加埋先８８蚊仲包４罐嘢飲。但係姐姐話佢哋係即叫即焗，所以要等返30分鐘先至有得食。好彩同朋友唔算肚餓，就去咗食雪糕先。之後準時返嚟就已經焗好等我哋去拎，打開仲係新鮮熱辣嘅～我自己本身麻麻哋夏威夷Pizza，所以淨係食咗一件，好多菠蘿，個餅皮偏硬同厚實。仲有芝士同埋火腿做配料，我覺得不過不失，未到好食都唔係好難食。野菌雜菜Pizza就開正我嗰範，有蘑、三色椒、粟米同芝士做配料，樣樣我都鐘意食。不過都係略嫌餅底偏硬，我都食唔到幾多塊，始終係攞貨嘅，咁嘅價錢都無得挑剔咁多架啦。一盒佢幫你切好咗六塊，我覺得細食嘅兩個人分一盒已經啱啱好，唔係就會太飽啦。