California Pizza Kitchen (已結業)

要食pizza, 較常去的選擇會係呢度或pizza express. 跟友人到旅行社看看, 所以約係呢度晚飯就最好不過. 是日不用訂座, 更有街景. 雖然唔係咩維港煙火美景, 但感覺可以舒口氣, 也比只有四面牆壁好不知多少. 二個人, 只點了 :大蝦凱撒沙律: 呢個竟然等了十五分鐘才上, 何解? 因為蝦係即烘過的, 又幾好味喎! 蝦爽口, 新鮮, 烘過那香味也敎人回味, 加上少許黑椒, 更添惹味. 值得等... 沙律用料新鮮, 只係加了車打芝士, 就收到畫龍點睛之效.辣肉腸pizza: 厚薄適中, 第一次吃以辣肉腸為主的pizza, 估唔到又唔錯喎. 辣肉加芝士, 香濃之中有d 辣味, 又唔會太漏. good! 簡簡單單的pizza, 就係啱, 只要用料得宜, 厚薄適中, 便夠了.最後竟然要了朱力古旦糕, 肥死人咩?! 朱古力味的確香濃, 但有點漏, 吃不消, 還是給友人幹掉吧!侍應服務不錯, 等了很久, 食物未上枱, 侍應真的幫手跟跟, 還詳細解釋等候原因. 不久, 食物便上枱了. 抵讚!