WOFT (已結業)

今日去旺角食西餐，WOFT，位於旺角麥花臣球場對面，地點便利。餐廳工業風裝修，新潮酒吧餐廳路線，坐得幾舒服，適合同另一半，三五知己食個飯，啤啤佢。-忌廉菠菜煙三文魚水牛芝士墨汁Pizza材料非常澎湃，有大量煙三文魚，pizza餅底加左墨汁，無論外貌味道都有所提升。薄餅夠脆夠薄，芝士忌廉味道好濃郁，最欣賞係醃青瓜，酸甜酸甜，帶出pizza另一層次。-招牌醬烤豬肋骨配薯條豬肋骨已經切好一半，經低溫慢烤的豬肋骨已骨肉分離，烤得軟腍，肉質軟嫩，外焦內嫩，配上惹味非常的燒烤醬，真係食到啜手指，滋味無窮，骨頭吮得一滴醬也不剩。-脆焗棉花糖榛子朱古力夾心批非常有創意，又好食的甜品。棉花糖焗完之後，有溶化拉絲的效果，最底有香蕉，再加上我最愛的榛子朱古力一齊食，真係好食得好誇張。-評分 : 6.5/10