PizzaExpress (東薈城名店倉) (已搬遷) 新店位置

今日同朋友去左食pizza ，星期六晚上想去食個豐富既晚餐，飲個啤酒，放鬆下。新餐單同peroni italia 合作出左個套餐好吸引。有兩杯500ml 生啤，加一個雙重芝士脆邊薄餅。Pizza 配料有西班牙肉腸、抱子甘藍、馬蘇拉芝士、車打芝士及黃蕃茄醬。脆邊薄餅真係好香脆，成個配搭味道都好濃郁，芝士味好重，鐘意芝味濃郁既真係唔可以錯過。好有咸香味！令人食指大動。另外我地仲叫左個牛肝菌羽衣甘藍螺絲粉，用上巴馬臣芝士加蒜蓉油，醬汁好香，食落口感濕潤，螺絲粉掛汁效果好。羽衣甘藍又新鮮。Peroni Nastro Azzurro 生啤味道偏苦，都算清新易入口，配pizza 邊食邊同朋友傾計，好飽肚又滿足。套餐仲有送個聯名環保袋，先到先得，送完即止。