Dr. Italian Pizza & Pasta (已結業)

今日係屯門收工，諗住買外賣返屋企同老婆食,我係GO GO MALL 見到一間賣Pizza，俾佢個香味吸引住，所以就試吓呢間 Dr Italian pizza & Pasts 我哋就叫咗個二人餐，二人餐都好多嘢食，呢間野係即叫即整，所以啲嘢係新鮮熱辣，返到屋企第一時間開餐末打開個Pizza已經聞到好香，Pizza係12吋大批，超足料，有好多芝士，火腿，煙肉，菠蘿，仲要個Pizza邊好香脆，真係好好食。性價比好高，對比返另一間Pizza店呢間又抵食又好味另外再嗌左個奇妙雞軟骨，雞軟骨炸到金黃色，香脆，好香口送啤酒一流，又唔會話太油膩。跟住個秘製燒春雞全隻，呢個有驚喜，雞肉好滑，燒到岩岩好，咬落去有少少肉汁又唔會太油，我老婆好鍾意食，連啲雞骨都損埋。跟住仲有個黑松露卡邦尼意粉個意粉都好好味，啲意粉煮到啱啱好，又唔會太林，有少少彈牙，味道好香濃，每一啖都有好重嘅芝士味，加上有少少橄欖油香味，加埋啲黑松露，味道真係好正兩個人食到好飽，埋單都係$240真係好抵食，下次去開屯門我都會食呢間Pizza，因為性價比高，Pizza又係新鮮即叫即做，最緊要老婆鍾意食。