必勝客

營業中

休息中

好耐都冇去過Pizza Hut，點知短時間內竟然嚟第二次，因為發現佢有早餐食！佢嘅價位分為30幾，40幾，同60幾蚊。我就揀咗34蚊嘅Dip脆批套餐，包一杯飲品。Dip脆批係薄薄地又脆脆地嘅餅皮，包住唔同口味嘅餡料。佢食落香口但又唔會太油膩，今次揀咗意式辣肉腸同忌廉芝士菠菜餡。意式辣肉腸食落真係太鹹，就算點埋附送嘅沙律醬都仲係鹹，可能係因為朝早食早餐，口味唔習慣咁重口味。忌廉芝士菠菜餡就啱啱好啦，因為口味較淡又多蔬菜，點埋沙律醬味道啱啱好。埋單每人大約40蚊，以呢個價錢試下冇咁悶嘅早餐都唔錯，特別係餐廳唔多人，非常闊落，坐得好舒服。