薄餅怪獸

營業中

休息中

夜晚收工同朋友嚟左呢間餐廳食晚飯，一入到去見到餐廳佈置好有聖誕氣氛，環境舒適。用qr code 落單，menu 既價錢適中。我地果日叫左兩款pizza ,煙三文魚薄批（$178），黑松露雜菌薄批（$138），檸檬蜜糖雞翼（$53），芝士焗西蘭花（$63）仲有啲小食。兩款批都好好食，同埋唔洗等好耐就有得食，上餐速度有效率，啱晒啱啱收工肚餓咗好耐嘅人士。黑松露雜菌薄批既菇味濃，而且配料十足，唔會太乾或者太濕，味道豐富。唔會食Pizza嘅時候淨係食到餅底而冇配料。檸檬蜜糖雞翼同樣唔太乾，雞翼都係大大嚿，多肉汁。仲有檸檬上碟，影相一流。芝士焗西蘭花份量足，而且翠綠唔會煮太耐太淋或者煮到變色。再加上芝士同忌廉，味道好夾好食。餐廳整體感覺好，環境清潔整齊，唔嘈雜。食物賣相靚，多餐點選擇，而且份量十足。