芝脆雞 (已結業)

平安夜打算買兩個pizza過下癮，特登上網查資料，發現黎間兩個大批$176，諗住幾平，而且又近屋企就去舖頭買，去到舖頭，寫$160兩個大批，即刻好開心去落單，點知店員話$92算囉，都黎左費事再去第二度，局住買左一個千島海鮮薄批，一個環遊世界厚批。千島海鮮好食，個底幾脆，都OK多魷魚同蟹柳，但係好似食唔到蝦(睇返先知有蝦同蜆)，芝士分量還可以，算系值得推薦。另外既環遊世界就麻麻地啦，肉就真系唔多，睇返餐單系有豬肉同牛肉，不過本人食唔出，個底其實都幾軟下，但同另一個比似乎味道就幾一般，或者薄批會好食d。都試過其他食店既pizza，例如pizzahut, pizza box 個d，感覺黎間性價比都高既，但係個價錢就真係好亂，既然唔係嗰個價就唔好貼出黎嘛