薄餅博士

營業中

休息中

原本今日想帶小朋去出去玩，但因為落大雨，所以轉左黎我屋企食同玩，叫外賣返黎食，朋友話想食pizza ，我地就叫PHD ，外賣自取，係網頁落單超方便，預計10-15分鐘後可以拎，我們散叫了一個pizza ，加兩款小食。美式磨菇薄餅餡料有雞肉、火腿、蘑菇、洋蔥、蛋黃醬、番茄醬汁，手拉薄餅香軟柔韌口感，磨菇，雞肉都好多，每一啖都食到，拎到返屋企都微暖，好味道，最緊要凍左都唔會硬。蒜香包第一個感覺就係點解扁架？唔抵食，仲要成個包係扁身，但出奇地麵包好鬆軟，蒜香味好濃，有驚喜脆爆雞粒拼薯角薯角拎到返黎已經淋晒，雞粒有少少辣，味道普普通通。