Platform (已結業)

假期當然要同朋友去食個Tea，朋友介紹大圍有間叫 Platform 的餐廳食物同環境都唔錯，所以就去試下啦。因為Lunch 食得太飽，所以試唔到朋友推薦的Day brunch menu. 餐廳地方唔大，幸好環境舒服，啱晒同朋友飲下野傾下計。芝麻手作麵包  - Bagel 比想像中好味，除左因為真係夠新鮮同熱之外，亦夠晒芝麻，真係高質的手作麵包。Chocolate Muffin - 朱古力味香濃，而且口感鬆軟，味道唔錯。荔枝配苿莉花茶 - 荔枝配上茉莉花茶味清香，但感覺偏甜。檸檬薑配蘋果茶 - 檸檬薑味道幾出，但又唔會只有薑味，加上淡淡的蘋果味感覺清新。整體而言，餐廳環境舒服，食物質素都唔錯，值得一試。