PokéToké

營業中

休息中

裝修係日式木系裝修，光猛舒服，加埋木盤金餐具，影相滿分！而且呢度嘅poke可以揀全白飯、全沙律菜、半白飯半沙律菜，咁就可以有澱粉質又可以有多啲菜食。*加州風味碗 $98色彩繽紛嘅poke bowl，加埋醬汁另上，仲唔係好食又健康嘅新選擇。角切三文魚非常新鮮，嫩滑但魚香味未算濃，$98嚟講係完全可以接受！加埋車厘茄、青瓜粒、蛋絲、三文魚子，無論係味道定係口感都好夾。加州風味碗配嘅醬汁係邱比特胡麻醬，真係有認真配搭過，事源係我試過點鰹魚醬汁，係完全唔夾😬夏威夷波奇 $88呑拿魚粒、三文魚子、枝豆，生紫洋蔥碎、紫菜碎，唔錯唔錯，都係一個好配搭，清新、健康、有唔同嘅口感，又唔會太overpowering。