Hard Rock Cafe (已結業)

係LKF打滾咁耐，唔少得得閒就要去食下Hard Rock 啦，今餐就刷得特別勁，首先，我地３個朋友叫左幾杯cocktail ，有mixed berry 味，pineapple味，同 cherry 味，不過不失啦，話好出色又唔算lor, 大大杯，味道較甜，似美國既口味。吹完水都好餓啦，首先叫左porterhouse，　應該係menu上面最好，價錢又最貴既牛排，牛肉味道濃，半成熟岩岩好，沒有筋，加埋薯蓉黎食都幾飽肚，不過對我地３隻食肉獸黎講係唔夠既，我仲叫左多１個排。叫左個sirloin,一食下去就分得出２個排唔同之處，西冷明顯地硬少少，味道都沒有porterhouse咁濃，但牛肉感依然好重，但２個來說，porterhouse明顯地好食好多！影得唔係幾好既salad係後面，係一個雞肉salad, 上面有一條條crispy 既麵條，鐘意熱氣野既人就岩曬啦！味道唔錯，　冇平時Ｄ salad 咁悶lor。　我會再叫佢的！