misocool (已結業)

最近番工番到好頹廢,成個人完全冇哂精力,好想做啲野令自己開心下 — 去食好野!!!!放左工見到MISOCOOL, 之前未試過所以決定去試新野。一入到去, 個環境好舒服令到我個人稍為輕鬆左。見到個MENU, 有好多款式揀, 一口氣就叫左幾樣野食以滿足自己先!!!Miso 特式雞翼: 上碟既時候賣相已經好吸引, 佢將雞翼整成雞鎚咁, 食起黎好容易, 而且炸得好好, 能鎖住肉汁, 啖啖肉, 好好味!!!!飛魚子沙律: 青瓜切絲同芽菜上鋪上大蝦同飛魚子, 再澆上芝麻醬汁, 口感豐富, 酸酸甜甜好開胃, 清新之餘帶點田園風味。見到其他枱叫左飲品, 賣相吸引, 所以忍唔住叫左杯俾自己, 北海道yogunt十勝紅豆冰, 乳酪雪糕配紅豆冰, 感覺好特別而且飲落去無平時飲開既紅豆冰咁甜同膩,紅豆仲要係大大粒。完全滿足到我啊!!!北海道海鮮奶湯炒墨魚汁面: 碗面大大份,而且用料十足海鮮種類都幾多; 北海道既湯底好香甜, 墨魚面上灑滿芝士粉, 面質軟滑而且有濃濃既芝士香。