茶理史 (已結業)

平時係旺角行街，都會留意到旺中附近有間茶理史。雖然旺角有好多間手搖飲品店，但茶理史個招牌都幾搶眼，仿古代牌匾嘅感覺。因為怕肥，自己平時好少會買肥仔水飲。不過呢排同人出街，多咗買野飲。聽講茶理史都好值得支持，當日行過都決定試下。-芋香鮮乳地瓜小芋圓 $28初嚐內有芋圓嘅手搖飲品，粉糯芋頭配煙韌芋圓。口感不俗，入口清新，味道唔會死甜。芋圓混合蕃薯同紫薯口味，芋圓份量都唔少。混合埋鮮奶，粉紫漸變色為飲品增添夢幻感。