台北巷弄 (已結業)

好想食芋圓呀，唔知點解突然好想食。經開將軍澳廣場見到有人食緊就，就諗住買返個返去食。舖名叫台北巷弄，即刻又諗起囡囡鐘意食鹽酥雞，睇完餐牌決定叫個小食拼盤，入邊有醬油雞翼、花枝丸、甜不辣同埋鹽酥雞，買黎返屋企加餸好岩食😋，再加個仙草凍芋圓3號仔，料都好多，有仙草凍（涼粉）、紅豆、芋泥同埋最想食既手工芋圓。小食拼盤（$78）雞翼夠入味，花枝丸同甜不辣夠晒彈牙，而鹽酥雞皮脆肉嫩，夠晒香口野味😍。想自私食既仙草凍（$40），結果被瓜分左，可能因為咁，覺得仙草凍唔夠甜，芋泥就較甜，應該食法係要溝埋一齊食，因為被瓜分左，變左分開獨立食就味道差D，如果鐘意冇咁甜就分開食，鐘意甜就可以一齊食。最後最想食既芋圓，學台灣人講法夠晒Q彈，好咬口，超好味👍🏻