影片
更多
2008-08-21
8 瀏覽
20-8-2008一直同呢度無緣, 反而今日要趕頭趕命食 dinner, 終於0黎了呢度試試佢的 Q 粉. 見下午茶時段仲未過, 食粉有一杯熱飲送, 叫了碗「馬來沙爹湯底」的「香麻牛肉．雞串燒．玻璃 Q 粉」($30).態度散漫的店員成碗粉 + 成碟香麻牛肉「車」埋0黎, 嚇死人... 先呷啖所謂「馬來沙爹湯底」, 完全唔係沙爹來的, 味道淡口, 飲落兩啖舌頭仲開始痕 -- 哦, 原來係扮沙爹的 MSG 汁!玻璃 Q 粉賣相同一般麵檔的河粉一樣, 諗住佢叫自己做「Q」粉, 口感會 QQ 的, 點知佢除0左完全唔 Q 之外, 仲碎濕濕又腍 bad bad 的, 食了一啖忍唔住暗罵: 「乜 _ 呀?」 Menu 上「一隻辣椒」的香麻牛肉應該係凍食的, 但 serve 時溫溫吞吞的, 唔知想點. 牛肉浸0係一碟油入面, 鋪滿黑椒及芝麻粒, 唔香唔麻, 食落係好韌, 好臊, 好黑椒, 初頭少少辣, 後期就辣到帶點苦, 難吃.而溫溫吞吞的雞串燒, 就仲難吃 -- 味道十足超市的現成品, 醬汁係半0者喱狀 (!!!), 味道勁甜, 加埋 d 雞肉, 成壇0野十分糊口, 食一啖即想 lur 返晒
一直同呢度無緣, 反而今日要趕頭趕命食 dinner, 終於0黎了呢度試試佢的 Q 粉. 見下午茶時段仲未過, 食粉有一杯熱飲送, 叫了碗「馬來沙爹湯底」的「香麻牛肉．雞串燒．玻璃 Q 粉」($30).
態度散漫的店員成碗粉 + 成碟香麻牛肉「車」埋0黎, 嚇死人... 先呷啖所謂「馬來沙爹湯底」, 完全唔係沙爹來的, 味道淡口, 飲落兩啖舌頭仲開始痕 -- 哦, 原來係扮沙爹的 MSG 汁!
玻璃 Q 粉賣相同一般麵檔的河粉一樣, 諗住佢叫自己做「Q」粉, 口感會 QQ 的, 點知佢除0左完全唔 Q 之外, 仲碎濕濕又腍 bad bad 的, 食了一啖忍唔住暗罵: 「乜 _ 呀?」
Menu 上「一隻辣椒」的香麻牛肉應該係凍食的, 但 serve 時溫溫吞吞的, 唔知想點. 牛肉浸0係一碟油入面, 鋪滿黑椒及芝麻粒, 唔香唔麻, 食落係好韌, 好臊, 好黑椒, 初頭少少辣, 後期就辣到帶點苦, 難吃.
而溫溫吞吞的雞串燒, 就仲難吃 -- 味道十足超市的現成品, 醬汁係半0者喱狀 (!!!), 味道勁甜, 加埋 d 雞肉, 成壇0野十分糊口, 食一啖即想 lur 返晒出來.
送的熱奶茶味道就好「大家樂」, 不過比起以上提及0個壇0野, 呢杯奶茶算係全餐最好的了. 真係嗚呼哀哉!
環境係茶餐廳格局, 招呼就係「糖朝」式招呼 (唔明? 自己睇啦: http://www.openrice.com/restaurant/commentdetail.htm?commentid=170784), 加埋味道咁樣, 會否再返轉頭? 你話呢???
都真係好耐無遇過咁差的食肆了.
張貼
