影片
更多
2022-10-11
123 瀏覽
香港三大連鎖快餐店，大家樂，大快活，美心，我最中意大家樂!起碼去到銅鑼灣哩D旺區，我都可以食到平靚正嘅飯!所以..... 一直希望我果頭開翻間大家樂，原來已經靜雞雞係東九走廊橋底開業! 原本打算去幫襯，但隔離有多間餐廳食晚巿更吸引!於是轉場，去咗試吓嘉樂冰廳!吸引我幫襯係日式原條鰻魚飯，而小熊點咗港式什扒跟意粉.優點:1, 冷氣足夠!2, 店舖環境行老香港摩登 Feel.3, 原條燒鰻魚真正係原條，入口即溶鰻魚嘅燒汁又夠甜味，另外滑蛋夠蛋香又夠滑，滿意.4, 港式什扒有豬扒，雞扒，腸仔同火腿，豬扒比預期厚，雞扒都無咁厚即時比下去，但入口同樣入味鬆軟 juicy，意粉比平時嘅幼身，但唔係天使麵，我唔中意食粗意粉，所以夾自己口味，黑椒汁夠多又夠味.缺點:1, 餐廳用 QR Code 落單，但顯示唔清楚，攪一大輪先落到單!2, 亦都因為 QR code 落單，想多汁又無得選擇!好彩嚟到夠多汁.3, 原條鰻魚飯茨汁不足，好彩有黑椒汁搭夠.4, 睇份餐牌，其實選擇唔多.見到廚房出份什麼超厚夠吋蛋治，雞蛋真係成吋厚，睇怕兩隻雞蛋都唔只!食哩件蛋治睇怕晚飯都唔洗食嚕....
香港三大連鎖快餐店，大家樂，大快活，美心，我最中意大家樂!
起碼去到銅鑼灣哩D旺區，我都可以食到平靚正嘅飯!
所以..... 一直希望我果頭開翻間大家樂，原來已經靜雞雞係東九走廊橋底開業!
原本打算去幫襯，但隔離有多間餐廳食晚巿更吸引!於是轉場，去咗試吓嘉樂冰廳!
吸引我幫襯係日式原條鰻魚飯，而小熊點咗港式什扒跟意粉.
優點:
1, 冷氣足夠!
2, 店舖環境行老香港摩登 Feel.
3, 原條燒鰻魚真正係原條，入口即溶鰻魚嘅燒汁又夠甜味，另外滑蛋夠蛋香又夠滑，滿意.
4, 港式什扒有豬扒，雞扒，腸仔同火腿，豬扒比預期厚，雞扒都無咁厚即時比下去，但入口同樣入味鬆軟 juicy，意粉比平時嘅幼身，但唔係天使麵，我唔中意食粗意粉，所以夾自己口味，黑椒汁夠多又夠味.
缺點:
1, 餐廳用 QR Code 落單，但顯示唔清楚，攪一大輪先落到單!
2, 亦都因為 QR code 落單，想多汁又無得選擇!好彩嚟到夠多汁.
3, 原條鰻魚飯茨汁不足，好彩有黑椒汁搭夠.
4, 睇份餐牌，其實選擇唔多.
見到廚房出份什麼超厚夠吋蛋治，雞蛋真係成吋厚，睇怕兩隻雞蛋都唔只!食哩件蛋治睇怕晚飯都唔洗食嚕....
張貼
