古琴雅苑 (QRE Plaza)

營業中

休息中

一向都好鍾意灣仔 QRE 裏面嘅餐廳，鍾意佢哋除咗裝潢舒適之外，食物嘅質素亦有一定嘅保證，今日過開嚟呢頭，又上嚟開飯。至尊拼盤，揀咗做緊暖冬窩心 promotion 嘅至尊拼盤，併盤一共有五款，相當抵食，醉雞酒味夠，雞肉亦都相當嫩滑；烤麩味道不俗，如果甜味再提升多啲相信會更加出色；雞絲粉皮個麻醬味道層次豐富，絕對令人有驚喜；我至愛嘅鎮江淆肉表現出色，點埋個鎮江醋食，認真無敵。北京填鴨半隻，作為古琴雅苑嘅招牌菜，呢度個填鴨係師承北京「全聚德」，選用上乘北京填鴨，以傳統掛爐烤製，師傅連肉一齊片埋出嚟，會比起坊間嘅特別多鴨肉，厚肉嘅口感更好，真正做到皮脆肉嫩，除咗一般嘅京蔥青瓜片皮鴨醬之外，呢度仲有蜜瓜同秘製嘅蜂蜜黃梅醬做配菜，可以拼湊出多幾種口味。金銀炒鱔糊，鱔肉新鮮爽彈，芽菜同韭黃都炒得啱啱好，夠哂爽身，配合埋經典上海嘅濃油赤醬，真係想嗌碗白飯爬下。小籠包，每一粒小籠包入面都充斥住大量湯汁，上枱時新鮮滾熱辣，係要攤一陣先食到咁熱，皮薄，餡更靚。高力豆沙香蕉，高力豆沙口感軟熟，恰到好處嘅糖霜加埋香蕉內餡嘅甜味，為今晚畫上一個圓滿嘅句號。