宗像屋 (已結業)

呢間小店其實喺寶血醫院後面條街。店內只有十個位左右。好彩今日早到唔使排隊。Menu 只有四款魚生飯選擇，正確來講只有三種:梅同竹係同一樣不過唔同size. 為咗可以一次試過晒所有嘢叫左個竹同特上。先上枱係不知名嘅魚同用來自制手卷的紫菜。魚加左好似麻醬味道的醬汁，味道有啲怪。 更加怪嘅係唔知碟魚應該係當前菜還是配茶漬飯吃。店員沒有解釋，只見到唔同食客用唔同食法。主角上場。賣相不錯，不過成座山咁高嘅魚生蓉有啲乾身。亦都食唔出不同魚嘅魚味。特上啲蟹肉都好乾身。海膽應該係加拿大貨，有少少澀味。魚子不過不失。紫菜夠脆，仲有啲紫菜香。白飯充足，差不多有半桶。食到最後師傅會幫你加湯做茶漬飯。個湯幾鮮甜不過真係食唔晒啲飯。唯有放棄淨係飲湯。