花園餐廳 (已搬遷) 新店位置

　　出差到觀塘工作，幸好午膳時間第一時間外出，否則都好難搵位。　　好彩十二點半就行到入去，遲五分鐘的話都要等位。一點三離開時候，等位嘅人條隊由二樓排到落地下。　　呢日好勇咁去鐵板餐，因為四年前開始，每次扒餐必然會胃痛，只係呢日抽起條筋想食而去冒險。　　好嘅係呢次竟然無事喎！　　講返呢一餐，叫咗個午餐推介，鐵板西冷牛扒。一分錢一分貨，都會預咗無晚餐咁好份量，不過估唔到係薄到好似 BBQ 嘅牛扒咁薄。Size 細咗一截。　　雖則如此，但係上枱時候鐵皮就真係夠晒火喉，掂到都唔知點算。而我要求七成熟都做到，可能因為塊扒薄，比較容易控制啩。　　整體上不過不失。