潮福蒸氣火鍋 (已結業)

最近疫情稍為緩和返少少，今日終於約左個frd出黎行下街同食個飯🥺🥺🥺行左大半日又熱又肚餓　想搵個地方坐低涼下冷氣慢慢嘆返個下午茶。上openrice一search 見到近深水埗地鐵站附近間潮福蒸氣火鍋都幾多好評，所以決定試下佢😹😹我地去到果陣做緊午市特價，所以門口都幾多人排隊攞位。我地等左15分鐘左右就可以入去！ 原隻蝦餃皇：特價時段都係$9.8一盎，比足4粒超級超級抵食！👍🏻👍🏻👍🏻椰汁西米糕：一食入口好重椰汁味但我覺得偏甜左少少麻辣口水雞：雞肉都幾嫩滑，而且唔會太辣，對我哩啲唔食得辣既人黎講都算易入口👅👅五香牛展：牛展幾爽口，食落去唔會好綿同散。海蜇拼燻蹄：天氣熱，食ｄ冷盤就降下溫就最岩。出面餐廳賣果ｄ燻蹄，幾片已經好鬼貴，哩度都係賣$38連半份海蜇，好抵食！👀👀沙薑豬手：我覺得沙薑味唔夠重，可以落多少少調味會好ｄ流沙煎堆仔同埋醬汁蒸鳳爪就同平時食開果ｄ差唔多，不過不失兩條友食左8樣野連埋茶位都係$253，食到飽飽每人都係百零蚊，仲可以坐係度慢慢吹下水涼冷氣。💪🏻💪🏻