RBTea (已結業)

今日同朋友出尖東食飯，朋友試過RBTea 感覺唔錯，所以就跟朋友來試下啦。晚市套餐小食 - 蕃茄清淡得來又開胃，小食來講算唔錯。粟米濃湯 - 粟米濃湯唔係好濃，但味道正常。照燒汁三文魚意粉 - 原本以為照燒汁配三文魚會好奇怪，但出奇地味道都唔錯，醬汁唔會太咸，同意粉及配料的味道都好夾。照燒汁帶子飯 - 茄子搶晒帶子的風頭，帶子反而乾左少少，但味道都算過得去。香煎香草腸配薯角 - 香草腸味道唔錯，而且仲有新鮮西芹的配搭都幾新鮮，如果西芹表面可以刨去D筋就更好啦。鮮蕃茄吉列豬扒飯 - 蕃茄汁雖然話係用鮮蕃茄，但唔夠蕃茄味，有點太清淡。吉列豬扒的皮都較厚，幸好件數都唔少，感覺唔會太蝕。其實仲有個意式香草蝦意粉唔記得影相，只可以講味道都唔錯，意粉相比飯會好食D。整體而言，食物味道正常，但分量略為偏少。好處係環境舒適，而且服務員態度都唔錯，如果只係想有個地方食野傾計都係可以接受的選擇。