Slowlife 漫活堂 (已結業)

不溜唔特別好有機嘢，但有人介紹呢間餐廳好好味，於是決定晏晝嚟食Lunch。好彩有book檯，食飯時間都幾full。舖頭裝修好舒服，唔會好作狀好多木同花花草草。左邊有啲櫃賣有機product。右邊掛左好多貓同雀仔嘅畫，仲mark左價錢。欣賞完畫就點餐，我叫左個燒春雞set跟藜麥沙律，加$18有雪糕或咖啡。先講係藜麥沙律，我好似冇試過藜麥，都知佢係啲super food 有N樣好處，食落冇乜特別味道。個沙津醬似芝麻醬加醋，好開胃👍🏻烤春雞啲肉夠嫩，加埋個磨菇汁好夾，啲薯仔都重薯仔味👍🏻呢個期間限定嘅榴連雪糕，食落唔算好濃榴連味。平日食有好多榴連肉嗰啲雪糕會有胃氣，呢個食完又冇胃氣又唔臭🤔唔夠真材實料？呢枝黑麥好過癮，冇酒精架😂😂😂只有啤酒嘅小麥味埋單其實每人真200幾，好耐先食一次都幾好嘅。