椈 (已結業)

今晚同老公諗住放工後去鬆一鬆，去咗中環呢間居酒屋度諗住食吓串燒飲吓酒， relax吓！入到去感覺好親切，因為師傅會喺你面前整串燒，又可以同佢傾吓偈，好有日本居酒屋嘅感覺！🔥 煙三文魚沙律前菜首先來一個沙律，好開胃！🔥炸物拼盤炸物拼盤，用嚟送酒一流，入邊有啲炸魚干、炸雞同埋炸豆腐！個豆腐好滑👍🏻👍🏻最欣賞佢旁邊都會有少少沙律，食完啲炸嘢可以清一清個油膩感！🔥漬物拼呢個漬物拼全部都係師傅親自醃製，最特別係有蒜頭同埋矮瓜嘅漬物，好有特色！🔥鹽燒油甘魚鮫呢個鹽燒油甘魚鮫都幾大份，有三大件，係即叫即燒，個皮燒到好脆，但係啲肉仲好Juicy好滑！🔥串燒我哋兩個人嗌咗五串串燒，諗住每樣試d！七味粉骨付腸好Juicy，日本雞心同雞腎好爽口，雞中翼燒到個雞皮好脆口，牛舌好嫩滑！🔥生啤、水蜜桃果汁🔥最中餅雪糕我哋揀咗開心果味雪糕同埋芝麻味雪糕，個人認為芝麻味雪糕好食啲勁香芝麻味！