一風堂 (已結業)

星期六都要返工其實好灰，收工同好友去食餐好既先係皇道！可能已經2點幾，所以店面唔多人，唔洗點等就可以入去啦。第一次來呢間分店，裝潢都唔錯，最鍾意寬敞坐得舒服。叫左個前菜墨魚鬚，新鮮剛炸真係幾唔錯！好入味，而且覺得都好新鮮，點少少沙律醬就已經好好味！叫左個黑蒜拉麵，少少辣，好香黑蒜味，湯味夠濃，本身仲覺得拉麵好似少左啲，但食埋啲肉就啱啱好！滿足！叫左個黑加侖子乳酸，幾得意，乳酸汁加黑加侖子雪條，溶下溶下就有黑加侖子味！悠悠閒食下坐下傾下一個鐘，叉返唔少電！