Relax B&M

營業中

休息中

🍼 餐湯餐湯係好Creamy嘅蘑菇忌廉湯，碗湯熱辣辣，亦好香濃，令我哋對呢餐飯嘅期待值都上升！🍼 紅酒燴羊架 $268朋友鍾意食羊，見有紅酒燴羊架，即刻要試一試🥰一嚟到擺盤已經好靚，我哋叫咗五成熟，肉質柔嫩，羊架好重羊味，果然冇令人失望。佢有三款Source，可以按自己口味試吓。配埋香口薯菜，幸福感滿滿❤️🍼 美式炸魚薯條 $108另外又叫咗個炸魚薯條，炸魚個炸粉好薄，唔似出面有啲餐廳厚厚嘅炸粉🙈食起嚟唔會太Heavy。魚嘅肉質仍然保持到Juicy，呢點真係有啲驚喜🫶🏻🍼 荔枝玫瑰檸檬梳打跟餐仲有一杯嘢飲，我哋叫咗杯檸檬梳打，希望可以refresh下味蕾！飲落真係好fresh，玫瑰同檸檬出奇地夾。🍼 心太軟最後仲有個甜品，呢個真係激讚！心太軟朱古力流心處理得非常之好，亦都唔會死甜，有好香濃嘅朱古力味，為我哋呢餐飯帶嚟左一個完美嘅句號。