香港郵意 (已結業)

今日約左朋友出嚟tea.難得出嚟，緊係搵個地方可以坐耐啲，catch up 下嘛。所以就喺尖沙咀，搵左呢間cafe. 見佢話可以任坐 不限時。呢樣真係好難得。依家真係冇乜地方可以俾客人長時間任坐。上到去，個環境都好relax. 食物方面，我地叫左黑松露汁雜菌意粉，素全日早餐同雲呢嗱楓糖雪糕窩夫。價錢唔貴，質素亦不俗。意粉 黑松露味濃郁全日早餐份量十足waffle亦整得外脆內軟，配合埋雪糕一凍一熱，口感一流。整體來說，呢到食物質素，價錢同埋環境都係都係水準之上。下次約朋友catch up 呢間cafe 必定係首選。至少唔使趕住走嘛。臨走時見到有promotion 話嚟緊好似有pancake 放題，身為pancake 粉絲嘅我，呢個放題實在太吸引！ 一定再嚟！